تروي قصتها .. الشاعرة نضال حسن الحاج .. طبيبة في المستشفى

الخرطوم- البلد بوست

عبرت الشاعرة نضال حسن الحاج، عن مشاعرها وقد وصلت السنة الرابعة في كلية الطب، ودخولها لأول مرة مستشفى كطبيبة متدربة.

وكتبت ” نضال” على صفحتها بموقع التواصل الإجتماعي فيسبوك قائلة:

فتحت الصفحة وقفلتها مراراً والعبرة خانقاني وماعارفه أكتب شنو …
خفت دموعي تخذلني وأنا بأخد أول تاريخ مرضي لي (مريضة)…دموع فرح ممكن هي ماتعرفها ….

وأضافت: ولأنكم أهلي ..قررت اشارككم شعوري …
الليلة أول يوم مستشفى بالنسبة لي …أول يوم اقعد قدام عيان/ه وأنا شايلة قلم ودفتر صغير …أول يوم أدخل عيادة وأنا الحمد لله ما مريضة ولا مرافقة …قد يكون شعور عادي بالنسبة لي أي زول .. أو لأي طالب طب…لكن نظرا للظروف المحيطة بي أنا ..ومطاردتي للطب كرغبة ملحه ..كان الموضوع يستحق كمية الدموع النزلت مني أول ما دخلت على أولادي

بفضل الله ودعوات والديّ ودعواتكم …وصلت السنة الرابعة الحمدلله …ودخلت المستشفى بفضل الله ..شكر ومحبة لكل زول دعمني ولو بدعوة في ظهر الغيب …ويارب أكون من المتفوقين في الحقل الطبي ..واقدر اساعد الناس بالبسيط البعرفو …
محبات كتااار …